Нийслэлийн хэмжээнд сайн дурын үйл ажиллагааг сайн дурын нийгмийн үйлчилгээ болгон өрнүүлэх, ажилтнуудын сайн дурын нийгмийн үйлчилгээний талаарх мэдлэг, ойлголтыг нэмэгдүүлэх, халамжийн салбарын сайн дурын ажилтнуудыг бэлтгэх зорилгоор  “Сайн дурын нийгмийн үйлчилгээг дэмжиж өрнүүлье-II” сургалтыг  ХУД-ийн Нийгмийн халамж, үйлчилгээний ерөнхий газраас Олон Улсын Улаанбаатар Их Сургуультай хамтран 2015 оны 08 дугаар сарын 20-ны өдөр зохион байгуулах юм.  Энэ удаагийн сургалтанд БНСУ-ын Тэгү Их Сургуулийн профессорууд лекц уншина. Уг сургалтанд Нийгмийн халамж, үйлчилгээний хэлтсийн мэргэжилтнүүд болон хороодын сайн дурын ажилтнууд хамрагдах юм.