Нийслэлийн боловсролын газраас өнгөрсөн хичээлийн жилээс эхлэн ерөнхий боловсролын сургуулийн нэгдүгээр ангид элсэн сурагчдын элсэлтийг зохион байгуулах зөвлөмж гаргаж, сургуулиудад нэг хугацаанд бүртгэл хийж эхэлсэн юм. Энэ жилийн нэгдүгээр ангид элсэн сурагчдын бүртгэлийг дөрөв дүгээр сарын 28-нд эхэлж тавдугаар сарын 16-ны өдөр дуусгахаар товлосон байна. Энэ хичээлийн жилд нэгдүгээр ангид 2008 онд төрсөн хүүхдүүдийг элсүүлнэ. Бүртгүүлэхээр ирэхдээ эцэг эх болон асран хамгаалагчид нь хүүхдээ дагуулан өөрийн биеэр ирнэ. Бүртгүүлэхээр ирэхдээ элсэгчид нь:

1. Төрсний гэрчилгээ эх хувь болон хуулбар
2. Эцэг эх, асран хамгаалагчийн цахим үнэмлэхний эх хувь болон хуулбар
3. 3х4 хэмжээтэй нэг хувь цээж зураг
4. Шаардлагатай тохиолдолд байрны оршин суух гэрээ болон ИБМТ-ийн лавлагаа гэсэн материалуудыг бүрдүүлж ирэх юм байна.