Увс аймгаас төрөн гарсан Монгол Улсын Хөдөлмөрийн баатар, дархан аварга Х.Баянмөнх, Монгол Улсын аварга С.Мөнхбат, улсын арслан П.Бүрэнтөгс, Б.Ганбат, Н.Батсуурь, улсын гарьд Б.Гантогтох нарын улсын цолтой бөхчүүдэд эмээл, хазаартай морь бэлэглэлээ.

Увс аймаг байгуулагдсаны түүхт 90 жилийн ой, Монголын бөхийн их баяр өнөөдөр Улаангомд эхэлсэн бөгөөд нээлтийн ажиллагааны үеэр ийнхүү улсын цолтой 47 бөхөд бэлэг гардуулсан юм.

Увс аймгийн 90 жилийн ойд урилгаар ирж барилдаж буй улсын харцага Ц.Содномдорж, Б.Пүрэвсайхан, Б.Заяамандах, Ч.Цогбаяр нарын бөхчүүдэд эмээл, хазаартай морь бэлэглэв.