Дуурийн урлагт эх орныхоо нэрийг мандуулсан УДБЭТ-ын дуучид болох Монгол Улсын Гавьяат жүжигчин Э.Амартүвшин, Г.Ариунбаатар нарыг Үндэсний их баяр наадмын нээлтийн ёслолд дуулах хүсэлтийг Ерөнхийлөгч Ц.Элбэгдорж гаргажээ. Дэлхийн шилдэг таван дуурийн дуучны нэг Э.Амартүвшин, П.Чайковскийн уралдааны алтан медалийг эх орондоо анх удаа авчирсан Г.Ариунбаатар нар Ерөнхийлөгчийн хүсэлтийг хүлээн авч наадамчин олондоо ая дуугаараа мэндчилгээ дэвшүүлэх юм байна.