Зуслангийн замын эхний ээлжийг Үндэсний их баяр наадмаас өмнө нээхээр болжээ. Учир нь Үндэсний их баяр наадмаар зуслангийн замын ачаалал эрс нэмэгддэг байна. Иймээс зам засварын ажлыг наадмаас өмнө хийж автозамын нэг урсгалыг ашиглалтад оруулахаар ажиллаж байгаа аж. Энэ жилийн хувьд зуслан чиглэлийн Дамбадаржаагийн уулзвараас Шарга морьтын төмөр бетон гүүр, Хандгайт чиглэлийн 16.35 километр автозам, засвар болон төв зам дагуух дулаан, цэвэр усны шугамын өргөтгөл шинэчлэлтийн ажлыг хийж байгаа юм.