Малчид ард, иргэдэд зориулсан мэдээ: Өнөөдөр  нутгийн хойд хэсгээр сэрүүхэн, нутгийн өмнөд хэсгээр халж, салхи шуургатай байна.

2015 оны тавдугаар сарын 25-ны 09 цагаас 21 цаг хүртэл: Ихэнх нутгаар үүлшинэ. Баруун болон төвийн нутгийн зарим газраар түр зуурын бороо орно. Бусад нутгаар бороо орохгүй. Салхи говийн нутгаар баруун өмнөөс, бусад нутгаар баруун хойноос секундэд 7-12 метр, Алтайн салбар уулс болон говийн нутгаар секундэд түр зуур 16 метр хүрч шороон шуурга шуурна. Хангай, Хөвсгөл, Хэнтэйн уулархаг нутгаар 13-18 хэм, Алтайн өвөр говь болон говь, зүүн зүгийн нутгийн өмнөд хэсгээр 28-33 хэм, бусад нутгаар 20-25 хэм дулаан байна.

УЛААНБААТАР ХОТ: Үүлшинэ. Үдээс хойш түр зуурын бороо орно. Салхи баруун өмнөөс секундэд 7-12 метр.  21-23 хэм дулаан байна.  

Өглөө 06 цагт Улаанбаатарт: 12 хэм дулаан, харьцангуй чийг 21 хувь, агаарын даралт 864 гектопаскаль байлаа. Даралт өдөртөө тогтвортой байна.

2015 оны тавдугаар сарын 26-наас тавдугаар сарын 30-ныг хүртэлх
цаг агаарын урьдчилсан  төлөв

Тавдугаар сарын 26-нд зүүн зүгийн нутгийн зарим, баруун зүгийн нутгийн баруун хэсгээр бага зэргийн бороо, 27-нд баруун болон төвийн нутгаар, 28-нд төв болон зүүн зүгийн нутгаар, 29-нд баруун болон төвийн нутгийн хойд хэсгээр бороо орно. Салхи 26, 29-нд баруун зүгийн нутгаар секундэд 12-14 метр, 27-нд ихэнх нутгаар, 28-нд говь талын нутгаар секундэд түр зуур 16-18 метр хүрч шороон шуурга шуурна. Хангай, Хөвсгөл, Хэнтэйн уулархаг нутаг, Туул, Тэрэлж голын сав газраар шөнөдөө 1-6 хэм, өдөртөө 13-18 хэм, говийн бүсийн өмнөд хэсгээр шөнөдөө 10-15 хэм, өдөртөө 26-31 хэм, бусад нутгаар шөнөдөө 6-11 хэм, өдөртөө 21-26 хэм дулаан байна.