Малчид, тээвэрчид, ард иргэдэд анхааралд: Өнөөдөр төв болон зүүн зүгийн нутгаар цас орж, цасан шуурга, говь, тал хээрийн нутгаар шороон шуурга шуурахыг анхааруулж байна.

2015 оны 05 дугаар сарын 06-ны 09 цагаас 21 цаг хүртэл: Ихэнх нутгаар үүлшинэ. Төвийн нутгийн ихэнх, говь болон зүүн зүгийн нутгийн зарим газраар хур тунадас, цас орно. Салхи баруун зүгийн нутгаар баруун хойноос, бусад нутгаар зүүн хойноос секундэд 6-11 метр, зарим газраар түр зуур секундэд 16-18 метр хүрч, шороон болон цасан шуурга шуурна. Хангай, Хөвсгөл, Хэнтийн уулархаг нутаг, Сэлэнгэ, Хараа, Ерөө, Туул, Тэрэлж голын сав газраар 0-5 градус, Алтайн өвөр говь болон говийн бүс нутгийн өмнөд хэсэг, Дарьгангын тал нутгаар 13-18 хэм, бусад нутгаар 3-8 хэм дулаан байна.

УЛААНБААТАР ХОТ: Үүлшинэ. Хур тунадас орно. Салхи зүүн хойноос секундэд 5-10 метр, зарим үед секундэд 12-14 метр хүрч шороон болон цасан шуурга шуурна. 2-4 хэм дулаан байна.

Өглөө 06 цагт Улаанбаатарт: 0 хэм хүйтэн, харьцангуй чийг 48 хувь, агаарын даралт 862 гектопаскаль байлаа. Даралт өдөртөө өснө.

2015 оны тавдугаар сарын 07-ноос тавдугаар сарын 11-нийг хүртэлх
цаг агаарын урьдчилсан төлөв:

Тавдугаар сарын 7, 8-нд төв болон зүүн зүгийн нутгийн зарим газраар, 9-нд төв, говь, зүүн зүгийн нутгаар, 10-нд нутгийн зүүн хагаст хур тунадас, цас орно. Салхи 7-нд зарим газраар, 8-нд Алтайн уулс болон говийн нутгаар секундэд 12-14 метр, 9-нд ихэнх нутгаар, 10-нд говийн нутгаар секундэд 16-18 метр хүрч шороон болон цасан шуурга шуурна. Ихэнх хугацаанд Хангай, Хөвсгөл, Хэнтэйн уулархаг нутаг, Хүрэн бэлчир болон Туул, Тэрэлж голын саваар шөнөдөө 6-11 хэм хүйтэн, өдөртөө 3-8 хэм, Их нууруудын хотгор болон говийн бүсийн өмнөд хэсгээр шөнөдөө 0-5 хэм, өдөртөө 13-18 хэм дулаан, бусад нутгаар шөнөдөө 0-5 хэм хүйтэн, өдөртөө 7-12 хэм дулаан байна.