БНХАУ-ын Засгийн газрын буцалтгүй тусламжаар Бээжингийн гудамжны 0.9 км авто зам болон гүүрийн өргөтгөл, шинэчлэлтийн ажлыг явуулж байгаа юм.  Тус ажлын хүрээнд Сэлбэ гол дээрх хуучин гүүрийг буулгаж шинээр 74 уртааш метр гүүр барих тул 2014 оны 04 дүгээр сарын 29-ний 22:00 цагаас эхлэн замын хөдөлгөөнийг хаахаар боллоо.  Түүнчлэн ШУТИС-ийн баруун хойд уулзвараас 11 дүгээр хорооллын уулзвар хүртэлх 360 метр авто замын хойд талын урсгалыг мөн цагт хаана.