Цагдаагийн ерөнхий газрын Лицензийн төв үйл ажиллагаагаа шинэчилж, ирэх зургаадугаар сард багтаан жолооны шалгалтыг цахим хэлбэрээр авдаг болох гэж байна. Одоогийн байдлаар программ хангамжийг бэлэн болгож, шалгалт авах танхимыг тохижуулж байгаа аж. Хэрэв энэ танхим бэлэн болчихвол олон улсын жишгээр жолооны шалгалт авдаг болох боломж бүрдэх юм. Мөн цахим хэлбэрээр шалгалт өгснөөр шалгуулагч нэг дор хэд хэдэн шалгалт өгөх давуу талтай аж.