Энэ сарын 15-ны өдрөөс эхлэн тээврийн хэрэгслийн улсын дугаар төгсгөлийн тоогоор хөдөлгөөнд оролцуулах дугаарын хязгаарлалт зуны цагийн хуваарьт шилжинэ гэж Замын Цагдаагийн газраас мэдээллээ.

Дугаарын хязгаарлалтын өвлийн цагийн хуваарийг 08.00-20.00 цаг байсан бол зуны цагийн хуваарь 07.00-22.00 цаг болж өөрчлөгдөн бүсчлэлийг зуны улирал буюу дөрөвдүгээр сарын 15-наас аравдугаар сарын 15-ны өдөр хүртэл замын хязгаарлалтыг тэлэхээр болжээ. Иймд 04 дүгээр сарын 15-ны өдрөөс эхлэн дугаарын хязгаарлалтын зуны цагийн хуваарьт шилжих тул Та бүхэн журмаа биелүүлж замын хөдөлгөөндөө сахилга, соёлтой оролцоорой.