Дэлхийн усны өдөрт зориулсан эрдэм шинжилгээний хурал болно
Дэлхийн усны өдөр энэ сарын 22-нд тохионо. Энэ өдрийг НҮБ-аас “Ус-Тогтвортой хөгжил”уриан дор явуулахаар зарласан. Манай улсад усны салбар үүсч хөгжсөний 77 жилийн ой, жил бүр уламжлал болгон зохион байгуулдаг “Дэлхийн усны өдөр”-ийг тэмдэглэн өнгөрүүлэх ажлын хүрээнд энэхүү эрдэм шинжилгээ, онол практикийн X бага хурлыг зохион байгуулах гэж байна.
“Ус-Тогтвортой хөгжил” эрдэм шинжилгээ, онол практикийн бага хурлын зорилго нь дэлхий нийтийн өмнө тулгамдаад буй хүрээлэн буй орчин, Монгол орны усны нөөц, ашиглалт, чанарын асуудал, усан цахилгаан станц болон байгаль орчны бохирдлыг шийдвэрлэхэд их, дээд сургуулийн оюутан залуусын оролцоог нэмэгдүүлэх, тэдний судалгаа шинжилгээний ажилд тусламж дэмжлэг үзүүлэхэд оршиж байгаа юм байна.