Япон улсын Засгийн газрын Буцалтгүй тусламж “Өвсний үндэс-Хүний аюулгүй байдлыг хангах буцалтгүй тусламжийн хөтөлбөр”-ийн хүрээнд хэрэгжүүлэх “Хан-Уул дүүргийн 71-р цэцэрлэгийн их засварын төсөл”-ийн гэрээнд Япон улсаас Монгол улсад суугаа Онц бөгөөд Бүрэн эрх Элчин сайд Такэнори Шимизү, Хан-Уул дүүргийн Засаг дарга Ж.Ганхуяг нар өнөөдөр Японы элчин сайдын яаманд гарын үсэг зурлаа.

Энэхүү “Өвсний үндэс-Хүний аюулгүй байдлыг хангах буцалтгүй тусламжийн хөтөлбөр”-ийн хүрээнд хуучирч муудсан цэцэрлэгт хүмүүжиж буй хүүхдүүдэд зориулж эрүүл, тав тухтай, стандарт хангасан цэцэрлэг болгон засварлахыг зорьсон байна.

Япон Улсын Засгийн газрын Буцалтгүй Тусламжийн "Өвсний Үндэс" Хөтөлбөрөөс нийт 159,554,853 / нэг зуун тавин есөн сая таван зуун тавин дөрвөн мянга найман зуун  тавин гурав/  төгрөгийн санхүүжилт бүхий Хан-Уул дүүргийн 71-р цэцэрлэгийн их засварын ажил хийгдэх бөгөөд засварыг 2015 оны 4-р сарын 1-нд эхэлж, 2015 оны 6-р сарын 25-ны дотор ашиглалтад оруулахаар гэрээнд тусгагдсан байна.