Иргэд төр засгийн үйлчилгээг тухайн амьдарч буй дүүрэг, хороодоосоо дамжуулан авдаг. Тиймээс хорооны ИНХ, Засаг дарга  өөрсдийн үйл ажиллагааг сайжруулах, иргэдэд хүрч үйлчлэх зорилгоор сард 2-3 удаа хурал хийдэг байна. Тэгвэл өнөөдөр  ИНХ-ын тэргүүлэгчид  ээлжит хурлаа хийлээ.Тодруулбал, ИНХ-ын дарга Б.Энххөдөлмөр, ИНХ-ын тэргүүлэгч Б.Алтанбэр, ИНХ-ын орлогч дарга Д.Совдоо,  ИНХ-ын тэргүүлэгч Ц.Мөнхдөл, ИНХ-ын тэргүүлэгч н.Чулуунбаатар нар  таван хүний бүрэлдэхүүнтэйгээр хуралдлаа. Энэ үеэр II  хорооны ээлжит хурлын товыг шийдэх, дүүргийн Засаг дарга Ж.Ганхуягийн тодорхойлсон шагналын тогтоол, “Содонцуурай” ХХК-ны байгаль орчны үнэлгээг гаргах гэсэн гурван асуудлыг хэлэлцэж зөвлөмж гаргасан юм. Зөвлөмжид, хурлын товыг эрт гаргах, ирц бүрдүүлэлтэд анхаарах, хурлын байрны техник тоног төхөөрөмжийн асуудлыг шийдэх зэрэг зөвлөмж гаргалаа.