Төмөр замын төв буудлын хоёр давхарт байршилтай Улаанбаатар-Улаан-Үд, Замын-Үүд-Эрээн чиглэлийн улс хоорондын зорчих тасалбар бичиж байсан тус үндэсний төвийн салбар касс нь энэ сарын 2-ны өдрөөс эхлэн Сонгинохайрхан авто вокзал руу шилжсэн аж. Тиймээс иргэд Сонгинохайрхан авто вокзал, Баянзүрх авто вокзал, "Нарантуул" ОУХТ зэрэг салбараас зорчих тасалбараа худалдан авах юм. Билетийн касс нүүсэнтэй холбоотойгоор Улаанбаатар-Улаан-Үд, Улаанбаатар-Алтанбулаг чиглэлийн зорчигч тээврийн автобус нь мөн Сонгинохайрхан авто вокзалын гадна талбайгаас хуваарьт цагийн дагуу үйлчилгээ үзүүлэх аж.