“Чингис” хааны нууц цайзын туурийг илрүүлжээ
Монгол, Японы архелогийн хамтарсан баг Баруун Монголын нутаг дэвсгэрээс XIII дугаар зууны үед бүтээгдсэн Чингис хааны нууц цайзын туурийг илрүүлсэн тухай мэдээллийг Японы Asahi Shimbun өгчээ. Судалгааны багийн ахлагчаар ажиллаж байгаа Осакагийн олон улсын их сургуулийн Монголын эзэнт гүрний түүх судлаач профессор Койчи Матцуда “XIII-XIV зууны үеийн түүхийн нэн чухал олдворыг олж илрүүлсэн. Эндээс Монголын эзэнт гүрний үеийн худалдааны зам, чиглэл, барууны түрэмгийлэлийн стратеги зэргийг судлах боломж нээгдэж байна” гэжээ.
Архелогичид Монгол улсын нийслэл Улаанбаатар хотоос баруун зүгт 880 км-ийн зайтай орших нууц цайзыг Хятадын аялалын номд дүрслэгдсэн дундад зууны үеийн шаазан цайзын хэлбэртэй харьцуулан үзжээ. 2001 онд тэд 200х200 метрийн харьцаатай XIII зууны үеийн шаазан цайзны эд өлгийн зүйлийг олж илрүүлж байжээ. Одоогийн байдлаар судлаачид уг цайзын туурийн ойр орчмоос олдсон модны үртэс, амьтны араг ясны хэлтэрхий зэргийг нарийвчлан судалж байгаа аж.
Судлаачид уг цайзыг Азийн байлдан дагуулалтын үеэр цэргийн суурин болгон ашиглаж байсан гэх дүгнэлтэнд хүрээд байгаа юм байна.