Монгол Улсын Ерөнхийлөгч Ц.Элбэгдорж энэ сарын 2-4-нд ХБНГУ-д ажлын айлчлал хийхээр өчигдөр тус улсыг зорилоо. Айлчлалынхаа хүрээнд ХБНГУ-ын Ерөнхийлөгч И.Гаук, канцлер А.Меркельтэй тус тус уулзаж, Берлин хотноо зохиогдох Монгол, Германы бизнесийн форумд оролцох ажээ.

Ерөнхийлөгч Ц.Элбэгдорж албан ёсны айлчлалаа өндөрлөсний дараа гуравдугаар сарын 4-8-нд Берлин хотноо болох Олон улсын аялал, жуучлалын “ITB Berlin 2015” үзэсгэлэнгийн нээлтийн ёслолын үйл ажиллагаанд түнш орны төрийн тэргүүний хувиар уригдаж, нээлтийн үг хэлэх юм байна. Энэ удаагийн “ITB Berlin-2015” үзэсгэлэнд Монголын талаас 300 гаруй хүний бүрэлдэхүүнтэй аялал жуулчлал, урлаг соёл, спортын алдартнуудыг багтаасан том баг оролцож эх орноо сурталчилах юм.