ӨнөөдөрАвтомашины татвар хураах журам өөрчлөгдлөө
Нийслэлийн ИТХ-ын Тэргүүлэгчдийн тогтоолын автотээврийн хэрэгслийн албан татвар төлөх, хураах ажлыг шинэ системээр явуулах болсон. Иймд өнөөдөр Улаанбаатар хотын ерөнхий менежер Б.Бадрал, Нийслэлийн замын цагдаагийн газрын Хөдөлгөөний аюулгүй байдлын дарга нар энэ талаар мэдээлэв.
Одоогоор хүчин төгөлдөр мөрдөж байгаа хуулийн жил бүрийн зургадугаар сарын 1-ний дотор авто тээврийн хэрэгслийн албан татвар, агаарын бохирдлын хураамж, зам ашигласны татвар, төлбөр хураах ажлыг мөрддөг байсныг өөрчилжээ. Тодруулбал, тээврийн хэрэгслийн улсын дугаарын сүүлийн оронгоор дараах байдлаар тухайн оны зургадугаар сарын 1-ний дотор багтаан зохион байгуулахаар журамласан байна.
Үүнд,
1, 6 тоогоор төгссөн бол нэгдүгээр сард
2, 7 тоогоор төгссөн бол хоёрдугаар сард
3, 8 тоогоор төгссөн бол гуравдугаар сард
4, 9 тоогоор төгссөн бол дөрөвдүгээр сард
5, 0 тоогоор төгссөн бол тавдугаар сард тус тус төлөхөөр заажээ. Уг журмыг НЗД-ын хоёрдугаар сарын 17-ны захирамжаар баталсан тул нэг, хоёрдугаар сард төлөх ёстой байсан иргэд ирэх зургадугаар сарын 1-нээс өмнө төлөх боломжтой аж. Тээврийн хэрэгслийн албан татвараа хугацаанд нь төлөөгүй эзэмшигчийг хууль, тогтоомжинд заасан хувь хэмжээгээр торгууль ноогдуулах юм. Ийнхүү тээврийн хэрэгслийн албан татвар төлөх хугацааг улсын дугаарын сүүлийн оронгоор ангилж өгснөөр зургаадугаар сард үүсдэг ачааллыг багасгах зорилготой аж.
Мөн шинэчилсэн журамд тээврийн хэрэгслийн бүртгэлийг боловсронгуй болгож, Нийслэлд бүртгэлтэй идэвхитэй тээврийн хэрэгслийн нэгдсэн сан үүсгэх бөгөөд “Smartcar” мэдээллийн системийг хэрэглээг өргөжүүлж, албан татвар, төлбөрийн онлайн, интернэт, мобайл банкаар шууд төлдөг тогтолцоонд шилжүүлэхээр ажиллаж байгааг албаныхан дуулгалаа. Ингэснээр иргэд тээврийн хэрэгслийн албан татвар, төлбөрөө зөвхөн Улаанбаатар банк гэлтгүй арилжааны бусад банкуудад төлөх боломжтой болох нь ээ.
Замын хөдөлгөөний аюулгүй байдлын тухай, Автотээврийн болон өөрөө явагч хэрэгслийн албан татварын тухай, Агаарын бохирдлын төлбөрийн тухай хуулийн хэрэгжилтийг хангах, иргэн, аж ахуйн нэгж, байгууллагуудад албан татвар, төлбөрөө хуулийн хугацаанд төлөх нөхцөл бололцоог бүрдүүлэн өгч төрийн үйлчилгээг иргэдэд нэг цэгээс үзүүлэх, татвар төлөгчдийг шинэчлэн бүртгэх, татварын бааз суурийг нэмэгдүүлэх үндсэн дээр нийслэлийн замын санг бүрдүүлэх зорилготой юм.
Тээврийн хэрэгслийн албан татвар, төлбөр нь нийслэлийн Авто замын санд буюу нийслэлийн төсөвт хувиарлагддаг бөгөөд уг мөнгийг нийслэлийн замын засвар, арчилгаа, гэмтэл, тэмдэглэгээ, нөхөөсөнд зарцуулдаг аж.
Албан татварын хэмжээ
1.Автотээврийн болон өөрөө явагч хэрэгслийн жилийн албан татварыг дараахь хэмжээгээр ногдуулна. Автотээврийн хэрэгслийн татварын хэмжээнд ямар нэгэн байдлаар өөрчлөлт ороогүй аж.
|
Автотээврийн болон өөрөө явагч хэрэгслийн төрөл |
Жилд ногдуулах албан татварын дээд, доод хязгаар /төгрөгөөр/ |
||
|
Улаанбаатар хот, Дархан-Уул, Орхон аймгийн төвийн сумд |
Бусад сумд |
||
|
1 |
2 дугуйтай мотоцикл |
2 000-3 000 |
1 800-2 700 |
|
2 |
З дугуйтай мотоцикл |
3 000-4 500 |
2 800-4 200 |
|
3 |
Суудлын автомашин: а/ 2001 смЗ хүртэл б/ 2001-3001 смЗ хүртэл в/ 3001 смЗболон түүнээс дээш |
/Цилиндрийн багтаамжийн нэг см3 тутамд төгрөгөөр/ 16-24 18-27 22-33 |
14-21 16-24 20-30 |
|
4 |
Микроавтобус /15 хүртэл суудалтай/ |
35 000-52 500 |
28 000-42 000 |
|
5 |
Автобус |
52 000-78 000 |
40 000-60 000 |
|
6 |
Ачааны автомашин: 1/ 1 хүртэл тн-ын даацтай 2/ 1-2 тн-ын даацтай З/ 2-3 тн-ын даацтай 4/ 3-5 тн-ын даацтай 5/ 5-8 тн-ын даацтай 6/ 8-10 тн-ын даацтай 7/ 10-20 тн-ын даацтай 8/ 20-30 тн-ын даацтай 9/ 30-40 тн-ын даацтай 10/ 40-50 тн-ын даацтай 11/ 50-60 тн-ын даацтай 12/ 60-70 тн-ын даацтай 13/ 70-80 тн-ын даацтай 14/ 80-90 тн-ын даацтай 15/ 90-100 тн-ын даацтай 16/ 100 тн-оос дээш даацтай |
25 000-37 500 35 000-52 500 45 000-67 500 55 000-82 500 80 000-120 000 90 000-135 000 100 000-150 000 140 000-210 000 180 000-270 000 220 000-330 000 280 000-420 000 320 000-480 000 360 000-540 000 400 000-600 000 440 000-660 000 480 000-720 000 |
20 000-30 000 28 000-42 000 36 000-54 000 44 000-66 000 64 000-96 000 72 000-108 000 80 000-120 000 120 000-180 000 160 000-240 000 200 000-300 000 240 000-360 000 280 000-420 000 320 000-480 000 380 000-570 000 420 000-630 000 440 000-660 000 |
|
7 |
Тусгай зориулалтын автомашин |
16 000-24 000 |
15 000-22 500 |
|
8 |
Трактор, өөрөө явагч бусад хэрэгсэл |
14 000-21 000 |
11 200-16 800 |
|
9 |
Бага оврын трактор |
7 000-10 500 |
5 600-8 400 |
|
10 |
Чиргүүл /даацын 1 тонн тутамд/ |
5 500-8 250 |
5 500-8 250 |
