Сар шинийн баяр болох гэж буйтай холбогдуулан, иргэн, аж ахуйн нэгж, худалдаа эрхлэгчид архи согтууруулах ундааны зар сурталчилгаагаа цахим сүлжээг ашиглан тарааж байгаа нь хууль бус гэдгийг ШӨХТГ-аас анхааруулж, мэдэгдэл гаргалаа. Тодруулбал, иргэн Б.Баттулга нь “АПУ” ХК-ийн “Болор”, “Экс” архийг Монгол Улсын зар сурталчилгааны тухай, Архидан согтуурахтай тэмцэх тухай хуулийг ноцтойгоор зөрчин “facеbook” хаягаар сурталчилж байжээ. Энэ асуудалтай холбогдуулан “АПУ” ХК болон “Скай трейдинг” ХХК-ийн холбогдох албан тушаалтнуудаас тайлбар авч, хууль бус үйлдэлийг зогсоосон байна.