“Алдарт эх”-ийн I, II зэргийн одонтой эхчүүдэд жилд нэг удаасар шинийн баярын өмнө 100, 200 мянган төгрөгийн тэтгэмж олгодог. Энэ жил ч мөн адил цагаан сарын өмнөхөн буюу ирэх даваа гаригт олгохоор болжээ. 2015- 2016 оны улсын төсвийн урсгал зардалд Алдарт эх”-ийн одонтой эхчүүдэд олгохоор 19.4 тэрбум төгрөг төсөвлөсөн гэнэ. Үүнтэй холбогдуулан нийгмийн халамж, үйлчилгээний хэлтсийнхэн “Алдарт эх”-ийн I, II одонтой эхчүүдийн дэвтэрт баталгаажуулах бичилтийг хийж эхэлсэн бөгөөд хийлгээгүй эхчүүдэд мөнгийг өгөхгүй юм байна. Учир нь нас барсан эхчүүдийг хасалт хийлгээгүйн улмаас мөнгө нь шилжих тохиолдол өмнө жилүүдэд гарч байсан аж. Тиймээс энэ жилээс мөнгө олгохын өмнө баталгаажуулалт хийдэг болж байгаа юм байна.