Arslan.mn - Мэдээний хаан

Нийслэлийн Мэргэжлийн хяналтын газрын төв лаборатори нь улсын байцаагчдын ирүүлсэн хяналтын дээжийг шинжлэхээс гадна итгэмжлэгдсэн лабораторийн үйл ажиллагааныхаа хүрээнд иргэд, аж ахуйн нэгжүүдийн хүсэлтийг хүлээн авч шинжилгээ хийдэг.

Лабораторид шинжлэгдэж байгаа сорилтын дүнгүүдэд хийсэн судалгаагаар даршилсан болон нөөшилсөн бүтээгдэхүүнүүд, ариутган савлаж битүүмжилсэн төрөл бүрийн салатууд, махан хүнснүүд, түргэн хоолнууд, даршилсан ногоо, кимчи, кремтэй бүтээгдэхүүнүүд, гурилан бүтээгдэхүүн, хиаман бүтээгдэхүүн, савласан цэвэр ус зэрэг нь стандартын шаардлагад нийцэхгүй нь нийтлэг байна.
Иймээс чанартай, баталгаатай хүнсээ хэрхэн сонгож авах талаар зөвлөж байна.
Хүнсний бүтээгдэхүүнийг сонгохдоо харах, үнэртэх, амтлах, хүрэх мэдрэхүйн эрхтэнийхээ тусламжтайгаар гадаад байдал, биет байдал, амт үнэрийг сайтар шалгаж аваарай. Мал, амьтны махыг халдварт өвчний голомтгүй тайван нутгаас хүнсний хэрэгцээгээ хангах хэрэгтэй.

Мах, махан бүтээгдэхүүнийг сонгох:

Шинэ мах .......	Хуучин, муудсан бол
Тод улаан өнгөтэй Гадаргуу цэвэр, хуурай Загсаалтын хальстай Уян харимхай Хуруугаар дарсан хонхорхой арилдаг Өөх нь цагаан, шаргал Хатуу өвөрмөц аятайхан үнэртэй	Бараавтар өнгөтэй Гадаргуу ногоорч, хөгцөрсөн хэт хуурай Салс үүссэн, гарт наалдамхай нялцгай Хурууны хонхорхой арилахгүй Өөх нь саарал боровтор Исгэлэн эхүүн, ялзарсан үнэртэй

Сүү, сүүн бүтээгдэхүүнийг сонгох:

Шинэ сүүний шинж .......	Хуучин, муудсан
Цагаан, шаргал өнгөтэй Аятайхан амт, үнэртэй Зохих хэмжээний өтгөн	Хөхөвтөр, бор шаргал өнгөтэй Исгэлэн , эвгүй үнэртэй Салслаг, усархаг

Мах, махан бүтээгдэхүүний хадгалалт

Бүтээгдэхүүн		Хадгалах хэм	Хадгалах хугацаа
Бүтэн утлагат хиам		8-10°С	30 хоног
Хагас утлагат хиам		6°С	10-15 хоног
Чанамал хиам	Нөөшлөгч нэмсэн	0-4°С	7 хоног
Чанамал хиам	Вакуум савлагаатай	4-8°С	5 хоног
Нарийн бүдүүн зайдас	Малын гаралтай бүрхэвчтэй	4-8°С	2 хоног
	5-с дээш давхаргатай хиймэл бүрхэвчтэй	4-8°С	3 хоног
	Вакуум савлагаатай	4-8°С	7 хоног
Дотор махан элгэн хиам		4-8°С	2 хоног
Цусан хиам		4-8°С	1 хоног
Царцаамаг		4-8°С	2 хоног
Цагаан зайдас		4-8°С	1,5 хоног

Хүнсний бүтээгдэхүүн дэх өвчин үүсгэгч:

Бидний хүрээлэн буй орчинд хүний нүдэнд үл үзэгдэх, янз бүрийн хэлбэр дүрстэй, маш олон төрлийн бактер амьдардаг. Зарим бактер олон тоотой байж өвчин үүсгэдэг бол зарим маш цөөн тоотой байсан ч богино хугацаанд олон хүнийг хамарсан өвчин үүсгэх онцгой аюултай.
Мах, сүү цагаан идээ, будаа кремтэй бүтээгдэхүүн, өндөг, ус, хөрс, хүн, мал амьтны биед бактер үржих, тархах хамгийн таатай орчин болдог.
Өвчин үүсгэгийн тараах аюулаар нь хүнсний бүтээгдэхүүнийг байр эзлүүлвэл:

Сүү, цагаан идээ
Мах махан бүтээгдэхүүн
Загас, загасан бүтээгдэхүүн
Өндөг
Хүнсний ногоо, жимс
Талх, нарийн боов ордог.

Хүнсний бүтээгдэхүүнд зарим өвчин үүсгэгч амьд байх хугацаа / өдрөөр/

Хүнсний бүтээгдэхүний нэр	Өвчин үүсгэгчийн нэр
Хүнсний бүтээгдэхүний нэр	Гэдэсний балнад, иж балнад	Салмонелл	Цусан суулга	Холери	Бруцеллёз	Сүрьеэ	Шүлхий
Хөөрүүлсэн сүү	35-36	2-4	8-20	1-6	5-45	14-18	1-15
Ариутгасан сүү	90	-	11-45	116	273		30-47
Зайрмаг	840	-	42		7 жил	6,5 жил	-
Цөцгий	26-212	23	11-45	6-32	25-67	300	8-45
Ааруул	8-12	-	6-16
Бяслаг	10-36			1-2	15-44	260
Мах махан бүтээгдэхүүн	50	60-90	9-11	-	460	-	35-49
Хүнсний ногоо	5-15	-	5-10	2-10	-	-	-
Талх	3-15	-	9-25	1-16	-	-	-

Хоол, хүнсийг бактераар бохирдуулахгүйн тулд хэрэглэгч та:

Хоол хүнснийг тасалгааны хэм ил задгай хадгалахгүй байх.
Сав суулгыг сайтар угааж, халдваргүйжүүлсний дараа хоол, хүнс бэлдэхэд хэрэглэж хэвших.
Хүнсний зүйлтэй харьцах бүрдээ гараа сайтар савандаж угааж сурах
Ундны усыг бохирдохоос хамгаалж, усны савыг сэрүүний улиралд 7 хоногт нэг удаа, дулааны улиралд 2-3 хоног тутамд сайтар угааж хэвших.
Ялаа, шавьж, мэрэгчидийг өсөж үржих нөхцөл бүрдүүлэхгүй байх.