"Номтой нөхөрлөе" клубийнхэн Цагаан сарын баяраар  нэгэндээ ном бэлэглэхийг уриалав. Тэд "Монголчууд Цагаан сарын баяраар үндэсний үйлдвэрлэлээ биш Хятадын эдийн засгийг дэмждэг болоод удаж байна. Үүний оронд бид хоорондоо ном бэлэглэдэг болчихвол орон даяар оюуны асар том давалгаа өрнөх болно" хэмээсэн юм. Мөн тэд сар шинийн баярт зарцуулагдах мөнгөний 40 хувийг бэлэг авахад зарцуулдаг гэж үзэж буй бөгөөд энэхүү уриалгыг гурван жилийн өмнөөс эхлүүлсэн байна. Тэд энэ долоо хоногийн амралтын өдрүүдээр Тусгаар тогтнолын ордонд номын хямдралтай үзэсгэлэн худалдаа зохион байгуулахаар болжээ.