Увс аймгийн сэтгүүлч С.Анхбаяр аймгийнхаа ИТХ-ын даргыг цахим ертөнцөд шүүмжилсний төлөө эрүүгийн хэрэг  үүсгүүлэн шалгуулж байгаа аж.

Сэтгүүлч С.Анхбаярын тухайд өөрийн “Фэйсбүүк” хуудаснаа Увс аймгийн ИТХ-ын  дарга Ч.Чимэдийн буруутай үйлдлүүдийг баримттайгаар нийтэлсэн байна.  Үүнийг Ч.Чимэд сэтгүүлч С.Анхбаярыг нэр төр гутаан доромжилсон хэмээн шүүх цагдаагийн байгууллагад хандсан байна. Ийнхүү сэтгүүлч үзэл бодлоо илэрхийлснийх нь төлөө шүүх цагдаагаар дарамталж, айлган сүрдүүлдэг байдал Увс аймагт хэдийнэ бий болжээ. Сэтгүүлч С.Анхбаярын тухайд өөрийн цахим хуудастаа нийтэлсэн материалууд болон тэдгээрийн нотлох баримтыг дэлгэж хэвлэлийн хурал хийсэн байна.