Нийслэлд замын хөдөлгөөний гарц, нэгдүгээр эгнээ хааж тавьсан автомашиныг ачиж, журмын хашаанд шилжүүлдэг. Машинаа ачуулсан жолооч нийт 60 мянган төгрөгийн төлбөр төлж машинаа авах журамтай. Гэтэл эндээс олсон орлогын ихэнх нь хувийн компанийн дансанд ордог. Харин одоо журмандаа өөрчлөлт оруулсанаар ачилтын төлбөр нийслэлийн дансанд ордог болох талаар зарим эх сурвалж хэлэв.  Уг журмыг Нийслэлийн Засаг даргын тамгын газар авч хэлэлцээд автомашин ачсан, зөөсний төлбөрийн хэчнээн хувийг тухайн компанид, хэдэн хувийг нийслэлийн төсөвт оруулах вэ, гэдгийг тодорхой болгох юм байна.