Ус, цаг уур, орчны хүрээлэнгээс өнөөдөр нутгийн зүүн хагаст цас орж цасан шуурга шуурч, ихэнх нутгаар хүйтний эрч чангарахыг анхааруулж байна. 27-нд нутгийн баруун өмнөд хэсгээр, 28-нд зарим газраар, 29-нд нутгийн зүүн хэсгээр цас орно. Салхи 27-нд Алтайн салбар уулсаар, 28-нд зарим газраар секундэд 12-14 метр хүрч ширүүснэ. Мөн нутгийн зүүн хагаст үүлэрхэг, бусад нутгаар солигдмол үүлтэй, зарим газраар бага зэрэг цас орж цасан шуурга шуурах аж. Увс нуур болон Дархадын хотгороор 23-28 хэм, Идэр, Тэс, Хараа,Ерөө  голын сав газраар 17-22 хэм, говийн бүс нутаг болон цас багатай нутгуудаар 3-8 градус, бусад нутнаар 12-17 хэм хүрч хүйтрэх юм байна.