8 хувийн хүүтэй зээл олгож эхэлснээс хойш орон сууцны үнэ 20-30 хувиар өссөн
Орон сууцны ипотекийн 8 хувийн хүүтэй зээл авахад банкууд өөрсдийнхөө журмын хүрээнд м.кв-ын үнийн хязгаарлалт хийж байна. Тухайлбал, 8 хувийн хүүтэй зээлд хамрагдахдаа хуучин орон сууц худалдан авах бол М.кв-ын үнийг 1.9 сая сая төгрөгөөс дээш гаргахгүй байх. Харин шинэ орон сууц худалдаж авах бол м.кв-ын үнийг 2.2 сая төгрөгөөс хэтрүүлэхгүй байхаар банкууд өөрсдөө журамлаж байгаа юм байна. Энэ журмыг 8 хувийн хүүтэй орон сууцны зээл олгодог томоохон арилжааны банкууд хэрэгжүүлж байгаа гэх мэдээллийг Ипотекийн корпорациас өглөө. Орон сууцны зээл авахад м.кв-ын үнийг хязгаарлаж өгснөөр үнийн өсөлтөөс сэргийлж байгаа хэрэг аж. Учир нь 8 хувийн хүүтэй зээл олгож эхэлснээс хойш орон сууцны үнэ 20-30 хувиар өссөн байна.