МҮОНТ-ийн мэдээллийн “ММ агентлаг”-ийн захирал С.Батзаяа ажлаа өгч байгаа тухайгаа өөрийн твиттер хуудаснаа мэдэгдлээ. Тэрбээр “Би ажлаа өглөө. МҮОНРТ-ийн хуулийг хэрэгжүүлж, намын хяналтаас ангид удирдаж, олон нийтийн төлөө байгууллага болгохыг ерөөе” гэжээ. Ийнхүү МҮОНРТ-ийн Ерөнхий захирал томилогдоод удаагүй байхад МҮОНТ-ийн мэдээллийн агентлагийн захирал ажлаа өгөх тухай ам нээв. Түүний бичсэнээс харвал АН-ын генсек асан хатагтай МҮОНРТ-ийн Ерөнхий захирал болсонтой холбож харж ч болохоор байна.