Монгол Улсын нийт хүн амын тоо 2014 оны 12 дугаар сарын 31-ний байдлаар 2995949 болж, өмнөх оныхоос 65672 хүн буюу 2.2 хувиар өссөн байна. Монгол Улсын нутаг дэвсгэрт 2014 онд 81715 хүүхэд мэндэлсэн нь төрөлтийн түүхэн дэх хамгийн өндөр үзүүлэлт боллоо.  1988 онд 75832 хүүхэд, 2013 онд 79780 хүүхэд төрсөн нь хамгийн өндөр үзүүлэлт байлаа. Манай улсын нийт хүн  ам 4051-ээр нэмэгдэхэд гурван саяд хүрнэ. Гурван сая дахь иргэн энэ оны 1 дүгээр сард төрөх төлөвтэй байгаа юм.