УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Г.Баярсайхан Чингэлтэй дүүргийнхээ 100 хүүхдэд шинэ жилийн гарын бэлэг гардуулна. Тойргийнхоо амьдралын боломж тааруу өрхийн хүүхдүүд болон урлаг, спорт, сурлагын өндөр амжилт үзүүлсэн хүүхдэд Г.Баярсайхан гишүүн гарын бэлэг гардуулах аж. Хүүхдүүдэд бэлэг өгөх арга хэмжээ маргааш 15:00 цагт Нийслэлийн Чингэлтэй дүүргийн 50 дугаар дунд сургууль дээр болно. Тэрээр жил бүрийн шинэ жилийн баяраар дүүргийнхээ хүүхэд багачуудад бэлэг гардуулдаг уламжлал тогтжээ.