Хараа хяналтгүй хүүхдийг бүртгэлжүүлэх ажил зохион байгууллаа
Нийслэлийн Засаг Даргын А/1037 дугаартай захирамжийг хэрэгжүүлэх ажлын хүрээнд Нийслэлийн Хүүхэд гэр бүлийн хөгжлийн газартай хамтран “Гэр бүлээсээ дайжин хараа хяналтгүй яваа, хараа хяналт сул, хөдөлмөр эрхлэгч хүүхдүүдийг илрүүлэх, бүртгэлжүүлэх, тэднийг гэмт хэрэг, зөрчилд өртөх, осгох, хөлдөх аюулаас урьдчилан сэргийлэх” зорилгоор “Хараа хяналтгүй хүүхдийг илрүүлэх” нэгдсэн арга хэмжээг 2014 оны 12 дугаар сарын 16,17-ны өдрүүдэд халамж асрамжийн “Донбоско” төвд зохион байгуулан ажиллаа.
Арга хэмжээний үеэр хараа хяналтгүй яваа нийт 74 хүүхдийг цуглуулж, бүртгэн, нөхцөл байдлын үнэлгээг хийж, эрүүл мэндийн анхан шатны үзлэгт хамруулж, эцэг эх асран хамгаалагчид нь 37, асрамж халамжийн байгууллагуудад 37 хүүхдийг хүлээлгэн өгч ажиллаа.