Монголын эмэгтэйчүүдийн сан 2003 оноос эхлэн жил бүрийн арваннэгдүгээр сарыг “Өглөгийн сар” болгон тэмдэглэж иржээ. Аяны хүрээнд цугласан мөнгийг 35-аас дээш насны хүчирхийлэлд өртсөн, хөгжлийн бэрхшээлтэй зэрэг тусламж хэрэгтэй байгаа эмэгтэйчүүдэд өгдөг байна. Энэ жилийн хувьд 371 хүнээс хандив цуглуулж нийт 12 сая 400 мянган төгрөг цуглуулжээ. Энэ жилийн цуглуулсан мөнгийг 15,16-р хорооны хүнд хэлбэрийн хөгжлийн бэрхшээлтэй хүүхдүүдийн ээжүүдэд үйлчлэх төв болон аутизмтай хүүхэдтэй эцэг эхчүүдийг чадваржуулах зөвлөх ээжүүдийг бэлтгэхэд зориулах гэнэ.