Өнөөдөр, маргаашдаа төвийн бүсийн зүүн хэсэг, 22-23-нд баруун болон төвийн нутгийн хойд хэсгээр цас орж, ихэнхи нутгаар салхи, шуургатай сэрүүн байхыг Ус цаг уур, орчны хүрээлэнгээс мэдэгдлээ. Салхи говь талын нутгаар секунтэнд 16-18 метр, зарим газраар секундэнд 12-14 метр хүрч ширүүсч цасан болон шороон шуурга шуурах ажээ. Ихэнхи нутгаар хүйтэрч, Алтай, Хангай, Хөвсгөл Хэнтийн уулархаг нутаг, Хараа, Ерөө, Туул, Онон, Халх голын сав газраар шөнөдөө 21-26 градус, өдөртөө 5-10 градус, говийн бүсийн нутгийн өмнөд хэсгээр шөнөдөө 8-18 градус хүйтэн, өдөртөө 3 градус хүйтнээс 2 градус дулаан, бусад нутгаар шөнөдөө 14-19 градус, өдөртөө 1-6 градус хүйтрэх ажээ.