Эрх зүйн шинэтгэлийн хүрээнд Тахарын ерөнхий газар байгуулагдаад нэг жилийн нүүр үзэх гэж байна. Тус газрын үндсэн чиг үүргийн нэг болох шүүн таслах ажиллагааны хэвийн нөхцөлийг бүрдүүлэх үүднээс яллагдагч, ялтныг хуяглан хүргэх ажилд аюулгүй байдал хангасан тээврийн хэрэгсэл шаардлагатай байсан. Харин өнөөдөр тусгай тоноглосон УАЗ Фургон маркийн 10 авто машиныг Тахарын ерөнхий газарт шилжүүлсэн байна. Эдгээр машиныг албаны хэрэгцээнд ашигласнаар нийслэл болон Тойргийн тахарын албаны үйл ажиллагааг сайжруулах, иргэдийн аюулгүй байдлыг хангахад дэвшил гарах юм байна.