Өнгөрсөн долоо хоногт МЗХ-ны дэргэдэх Залуучуудын хөдөлмөрийн төв биржээр дамжуулан байнгын ажлын байранд 25 залуу, цагийн ажилд 149 оюутан залуучууд ажилд зуучлагдсан байна. Тус Залуучуудын хөдөлмөрийн төв бирж өнгөрсөн жилээс эхлэн үйл ажиллагаагаа явуулж эхэлсэн бөгөөд хөдөлмөр зуучлалын шинэ системийг нэвтрүүлж, залуучуудыг ажилтай, орлоготой болгох тал дээр нь дэмжлэг үзүүлэн ажиллаж байгаа юм. Одоогийн байдлаар залуучуудын хөдөлмөрийн төв бирж дээр 4000 гаруй залуус бүртгэлтэй байгаа бөгөөд 800 ажлын байр нээлттэй байгаа ажээ.