Сонгинохайрхан дүүргийн 32-р хороо, 22-ын товчооны урд талд барьж буй техникийн шинэ захын эхний ээлжийн 940 машины талбайг өнөөдөр хүлээлгэж өгөх ёстой байсан. Гэвч энэ ажил цаг агаарын байдлаас болоод хойшлогдсон байна. Учир нь уг талбайг барьж буй "Тэгштплант" компанийнхан "Газар шорооны ажлаа дуусгасан. Ойрын хоногуудад хүтэрсэн болохоор бусад ажил жаахан хойшлогдоод байна. Цаашид хойшлогдох магадлал өндөр" хэмээн ярьсан байна. Тэгвэл Авто худалдааны цогцолборынхон "Энэ талбайг ихэр сарын эхээр дуусгана" гэсэн юм. Одоогоор цайны газар 20, нийтийн бие засах газар найм, тээврийн хэрэгслийн шилжилт, хөдөлгөөний бүртгэл, авто оношилгоо, татвар, авто машины дугаарын үйлдвэр, үйлчилгээ байрлах сэндвичэн барилгууд баригдаад байгаа ажээ.