Улаанбаатар хотын Цагдаагийн газар, Монголын сурагчдын холбоотой хамтран хэрэгжүүлж буй “School police” эргүүлд 2014 оны 09, 10-р сарын байдлаар ерөнхий боловсролын сургуулийн орчимд нийт 18000 гаруй эцэг эх эргүүлд ажиллаж, 21 зөрчил илрүүлж, цагдаагийн байгууллагад мэдэгдэн хамтран ажилласан байна.

Мөн Ерөнхий Боловсролын Сургуулийн захирлын ажлыг үнэлэхдээ “School police“ эргүүлийг хэрхэн зохион байгуулж байгаагаар нь дүгнэж, эргүүлийг гаргаагүй сургуулийн удирдлагуудад захиргааны арга хэмжээ авч, эргүүлийн үүргээ амжилттай сайн хэрэгжүүлж байгаа эцэг эхчүүд, захирал, нийгмийн ажилтанг мөнгөн шагналаар шагнаж урамшуулах ажлыг зохион байгуулж байна.

Мөн “School Police “Эргүүл зогс" тэмдгийг өргөсөн байхад зогсоогүй тээврийн хэрэгсэлд Нийслэлийн замын цагдаагийн газрын алба хаагчид захиргааны хариуцлага ноогдуулахаар болсон байна.