"Нөөцийн махны менежер"-ийн төсөл сонгон шалгаруулалтын явцад "Мах маркет" компаниас гомдол гарсан учраас сонгон шалгаруулалтыг дахин явуулахаар болжээ. Сонгон шалгаруулалтыг өнгөрсөн мягмар гарагаас эхлэн нээлттэй зарлаад байгаа бөгөөд шалгарсан компаниуд нийслэлийн иргэдэд зориулж 12 мянган тонн мах бэлтгэн ирэх хавар хэрэглэгчдийн гарт хүргэх юм. Үүнээс гадна Эрдэнэт, Дархан хотуудын нөөцийн махны хэрэглээг "Дархан мийт фүүдс", "Эрдмийт" компани тус бүр 1000 тонн мах бэлтгэн нийлүүлэхээр болсон байна.