Иргэдийг Бээжин хот руу зорчихгүй байхыг анхаарууллаа
МХЕГ-аас Эбола вирусын талаарх анхааруулгыг өчигдөр иргэдэд хүргэж, урд хөрш рүү зорчихгүй байхыг анхааруулжээ. Учир нь БНХАУ-ын Бээжин хотын олон улсын нисэх онгоцны буудалд эбола вирусын халдвар тархах 97 хувийн магадлалтай байгааг ДэМБ-ын судалгаагаар тогтоосон байна. Хэрэв Бээжинд уг өвчний тохиолдол бүртгэгдэх юм бол манай улсад тархах магадлал маш өндөр байгаа юм. Тиймээс иргэдийг онцын шаардлагагүй бол БНХАУ-ын Бээжин хот руу зорчихгүй байхыг МХЕГ-аас анхааруулж байгаа аж. Эбола вирус нь өнгөрсөн оны аравдугаар сард Баруун Африкийн Гвиней улсаас анх илэрсэн бол нэг жилийн дотор ийнхүү гурван тивийн есөн оронд бүртгэгдсэн байна. Түүнчлэн энэ сарын 10-ны өдрийн байдлаар уг өвчний улмаас 8399 хүн нас бараад байгаа юм.