Сүүлийн өдрүүдэд Улаанбаатар хотод цагаан утаа бүрхээд байгаа бөгөөд энэ нь ОХУ-ын Сибирийн түймрийн утаа юм.

Энэ утаа хойноос чиглэлтэй наашилж байгаа тул өнөөдөр /2021.08.04/ үдээс хойш манай орны хойд хэсгийн нутгаар /Дархан, Булган, Сэлэнгэ, Улаанбаатар/ улам өтгөрөх болохыг хиймэл дагуулаас авсан доорх зураг харуулж байна. Сибирийн бүс нутагт сүүлийн 150 жилд үзэгдээгүй маш хуурай зун болж байгаагаас ийнхүү түймэр ихээр гарч байгаа аж. Зургаадугаар сараас хойш 210 гаруй удаагийн түймэр гарч, 15,000 ам км газар нутагт түймэр өртжээ.