“Эрдэнэc Монгол” нэгдлийн харьяа “Эрдэнэс Алт Ресурс” ХХК-ийн хувьцаа эзэмшигчдийн ээлжит хурал өнөөдөр (2026.04.16) боллоо. Хурлыг “Эрдэнэс Монгол” ХХК-ийн Нэгдсэн стратеги, бизнес хөгжлийн газрын даргын үүргийг түр орлон гүйцэтгэгч Б.Мэндбаяр даргаллаа.

2025 онд “Эрдэнэс Алт Ресурс” ХХК 243,2 тэрбум төгрөгийн орлого олж, улсын төсөвт 75,9 тэрбум төгрөгийн татвар төвлөрүүлсэн байна. Хурлаар тус компанийн өнгөрсөн оны үйл ажиллагааны болон санхүүгийн тайланг хэлэлцэн батлав.
2025 онд “Тэрбум мод” үндэсний хөдөлгөөний хүрээнд “Эрдэнэс Алт Ресурс” ХХК 123,919 мод, нийт 561,474 мод бут тарьж ургуулсан байна.

Хувьцаа эзэмшигчдийн хурлаар “Эрдэнэс Алт Ресурс” ХХК-ийн 2025 оны үйл ажиллагааг дүгнэж, 2026 оны батлагдсан төсөв, бизнес төлөвлөгөөний хэрэгжилтийг хангаж ажиллахыг “Эрдэнэс Алт Ресурс” ХХК-ийн гүйцэтгэх захирал Э.Ууганбаярт үүрэг болголоо.