Токиогийн олимпын Хүрэл медальт, ОУХМ Ц.Цогтбаатар "Улаанбаатар Их дуулга"-ын -73 кг-ийн жинд Мөнгөн медаль хүртлээ. Ийнхүү Монгол Улсын шигшээ баг 2 алт, 3 мөнгө, 4 хүрэл медальтай болоод байна.

Ц.Цогтбаатар “Улаанбаатар Их дуулга-2022”-ын -73 кг-ын жингийн алтан медалийн төлөөх барилдаанд IJF-ийн нэр дээр орж буй ОХУ-ын тамирчин Махмадбек Махмадбековтой барилдсан юм.

Жижиг хагалгааны ард гараад 20 хоногийн дараа Их дуулгад барилдсан Ц.Цогтбаатар "Бэлтгэл жаахан дундуур байлаа. Өнөөдөр энд ялагдсан ч хамгийн том амжилт Олимп, Дэлхийнх байх болно. Хичээж барилдана" гэлээ.

Ташрамд дурдахад, Ц.Цогтбаатар нь Наран Мандал компанийн тамирчин юм.