2022 оны 4 дүгээр сарыг “Эрсдэл өндөртэй салбарын ажиллагсдын Хөдөлмөрийн аюулгүй байдал, эрүүл ахуй”-ийн сар болгон зарлаж "Хөдөлмөрийн аюулгүй байдал, эрүүл ахуйн соёлыг хамтдаа төлөвшүүлье" уриан дор улс орон даяар зохион байгуулж байгаа билээ.

Баянхонгор аймгийн Мэргэжлийн хяналтын газрын хамтран ажиллах саналын дагуу 2022 оны 4 дүгээр сарын 28-ний өдөр "хөдөлмөрийн аюулгүй байдал, эрүүл ахуй"-ийн сарын аяны хаалтын үйл ажиллагааг Наран Мандал компанийн уурхайн талбайд зохион байгууллаа.

Тус аяны хаалтын үйл ажиллагаанд Баянхонгор аймгийн мэргэжлийн хяналтын газрын мэргэжилтнүүд болон уул уурхай чиглэлээр үйл ажиллагаа явуулдаг 7 компанийн төлөөлөл оролцлоо.

Наран Мандал компани нь Баянхонгор аймагт хариуцлагатай уул уурхайн үйл ажиллагаа эрхэлдэг аж ахуйн нэгжийн хувьд эрүүл мэнд, аюулгүй ажиллагаа, байгаль орчны чиглэлээр хэрэгжүүлдэг менежментийн тогтолцоо, уурхайн үйлдвэрлэлийн онцлогийн талаар ирсэн зочид доо танилцуулахаас гадна хамтын хөгжил, аюулгүй ажиллагааг тасралтгүй сайжруулах талаар өөрсдийн туршлага, мэдлэг мэдээллээ харилцан солилцсон өдөрлөг болж өнгөрлөө.