Эрдэс баялгийн салбарт хийгдсэн 436 гэрээ олон нийтэд ил боллоо. "Ил тод гэрээ" мэдээллийн санд концессын гэрээ, ашиглалтын гэрээ, хамтран ажиллах гэрээ зэрэг 14 төрлийн 436 гэрээ тавигдсан байна.

УУХҮЯ, Нээлттэй нийгэм форум, Байгалийн баялгийн засаглалын хүрээлэн, Олборлох үйлдвэрлэлийн ил тод байдлын санаачилгын ажлын алба, Олон улсын санхүүгийн корпораци зэрэг байгууллага хамтран энэхүү мэдээллийн санг үүсгэжээ. www.iltodgeree.mn цахим хуудсанаас Монгол Улсын хэмжээнд уул уурхай, газрын тосны салбарт байгуулагдсан 436 гэрээтэй танилцах боломжтой.