ОХУ-аас цахилгаан эрчим хүчээр хангагддаг баруун бүсийн Ховд, Увс аймгууд болон нутгийн баруун хэсэг сүүлийн долоо хоног шахам тоггүй байгаа ажээ. Учир нь Оросын цахилгаан эрчим хүчний компани өвөлжилтийн бэлтгэлээ хангахын тулд тогоо хязгаарлан засвар, үйлчилгээ явуулж байгаа юм байна. Ховд, Улаангом,Өлгий хотууд сүүлийн дөрвөн хоног цахилгаангүй байгаа бол зарим алслагдсан сумдуудад долоо хоногийн турш тог ирээгүй байна. Баруун бүсийн цахилгаан эрчим хүчний хэрэглээний 77 хувь нь ОХУ-аас, гурван хувь нь БНХАУ-аас тус тус импортолсон цахилгаанаар, 20 хувь нь Дөргөний усан цахилгаан станцын үйлдвэрлэсэн цахилгаанаар хангагддаг юм байна. Одоогийн байдлаар тог хэзээ ирэх нь тодорхойгүй байгаа юм байна.