Баян-Өлгий аймгийн Бугат суманд баавгай малчин айлын хашаа руу дайрч, 63 бог мал барьсан хэрэг аравдугаар сарын 30-нд бүртгэгджээ.

Энэ талаар Байгаль орчин, уур амьсгалын өөрчлөлтийн яамнаас тодруулахад, баавгайг устгаж, аюулгүй болгосон гэв.

Түүнчлэн сүүлийн 24 цагийн хугацаанд баавгайтай холбоотой найман дуудлага бүртгэгдсэн байна. Үүнээс хоёр нь Хэнтий аймагт, бусад нь Хөвсгөл, Увс, Булган, Сэлэнгэ аймагт тус бүр нэг тохиолдол бүртгэгджээ.

Ийнхүү зэрлэг амьтад малчин айл, суурьшлын бүсэд ойртож, малд хохирол учруулах тохиолдол бүртгэгдсээр байна.