“Макс Групп” нь “Эрүүл Монгол” бодлогынхоо хүрээнд Говь-Алтай аймгийн хүүхэд, залуус, иргэдийн спортоор хичээллэх боломжийг нэмэгдүүлэх, авьяас чадвараа хөгжүүлэх, эрүүл зөв амьдралын хэв маягийг төлөвшүүлэх зорилгоор “Макс” спорт заалыг шинээр барьж байгуулан, ашиглалтад орууллаа.

Нийт 720 м² талбайтай, 140 хүний суудал бүхий тус спорт заал нь орон нутгийн хүүхэд, залуусын бие бялдрыг хөгжүүлэх, спортын ур чадвараа ахиулах, авьяас чадвараа нээн илрүүлэх, ирээдүйн тамирчдыг бэлтгэх таатай орчин бүрдүүлж байна.

“Макс Групп”-ийн Ерөнхийлөгч, ТУЗ-ийн дарга Д.Ганбаатар энэхүү бүтээн байгуулалтын ирээдүйн үнэ цэнийг онцлон, тус заалнаас олимп, тив, дэлхийн олон аварга, хүмүүжил төлөвшилтэй, хүнлэг, тэсвэр хатуужилтай Монгол иргэд олноор төрнө гэдэгт итгэлтэй байгаагаа илэрхийлсэн юм.

Энэхүү бүтээн байгуулалт нь хүүхэд, залуусын эрүүл мэнд, бие бялдрын хөгжил, хүмүүжил төлөвшлийг дэмжихийн зэрэгцээ баруун бүсийн хөгжил, спортын салбарын хөгжилд оруулж буй “Макс Групп”-ийн бодит хувь нэмэр юм.