Төв аймгийн Заамар сумын засаг дарга Б.Самбуу нь 2025 онд сумын засаг даргаар томилогдож, өмнө нь нэр холбогдон шалгагдаж байсан хэргээ дахин үйлдсэн байж болзошгүй гэж үзэн АТГ-т шалгаж эхэлжээ.

Түүний хувьд өмнө нь сумын ИТХ-ын даргаар ажиллаж байхдаа бусдад давуу байдал олгож, албаны эрх мэдлээ урвуулан ашигласан үндэслэлээр АТГ-т шалгагдаж, шүүхээс хоёр жил нийтийн албанд томилогдох эрхээ хасуулж байжээ. Тодруулбал Б.Самбуу нь нөхөрлөл нэрийн дор алт ухдаг “нинжа” нартай шууд гэрээ байгуулах замаар бусдад давуу байдал олгосон гэж АТГ -аас яллах дүгнэлт үйлдэж 2022 онд шүүхэд шилжүүлж, анхан шатны шүүхээс гэм буруутай гэж үзсэн ч давж заалдах шатны шүүхээс 2024 онд хэргийг нь хэрэгсэхгүй болгож байжээ.

Тэгвэл АТГ-т шалгагдаж буй Заамар сумын ЗД Б.Самбуугийн 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮56 сая /жилийн/
Гэр бүлийн орлого: ₮24 сая /жилийн/
Хөрөнгө борлуулсны орлого: ₮0 сая
Орон сууц барилга байгууламж: ₮320 сая  /Орон сууц-2, Хашаа байшин-1/
Тээврийн хэрэгсэл: ₮29 сая  /Toyota, Highlander маркийн тээврийн хэрэгсэлтэй/
Мал, амьтан: ₮81 сая /Адуу-25, Хонь-80, Ямаа-65, Үхэр-15/
Газар: ₮10 сая /Өмчлөх-1100м2/
Үнэт эдлэл, урлаг, түүхийн үнэт зүйл: ₮2 сая
Хадгаламж: ₮14 сая 
Авлага: ₮0 сая
Зээл:  ₮107 сая гэж мэдүүлжээ.