Хөвсгөл аймгийн Хатгал-Ханх чиглэлийн хатуу хучилттай авто зам, гүүрний ТЭЗҮ, зураг төсөл боловсруулж, зөвлөх үйлчилгээ үзүүлж буй “Ангар Аривжих” ХХК-ын удирдлагатай УИХ-ын гишүүн Л.Мөнхбаатар уулзаж, ажлын явцын талаар мэдээлэл авлаа. 

Энэхүү төсөл нь Хөвсгөл аймгийн Хатгал тосгон, Чандмань-Өндөр, Ханх сумдын нутаг дэвсгэрт хамаарах бөгөөд одоогоор ТЭЗҮ боловсруулах ажлын гүйцэтгэл 100 хувь, зураг төсөл боловсруулах ажил 40 хувьтай явагдаж байгаа гэлээ. Тус авто замын ТЭЗҮ нь Зам тээврийн яамны Шинжлэх ухаан, Технологийн зөвлөлийн дэргэдэх авто замын салбарын дэд зөвлөлийн хурлаар орж дэмжигдсэн талаар мэдээллээ.