Өнөөдөр ЦЕГ-ын дарга Т.Сүхболд 21 аймгийн цагдаагийн газар, хэлтсийн удирдлагуудтай 2025 оны гүйцэтгэлийн төлөвлөгөөг батлах,  үр дүнгийн гэрээ байгууллаа. 

Энэ үеэр Цагдаагийн ерөнхий газрын дарга, Дотоодын цэргийн командлагч, бригадын генерал Т.Сүхболд “...Бид бүхэн өнөөдөр 2025 оныхоо гүйцэтгэлийн төлөвлөгөөг баталлаа. Гүйцтгэлийн төлөвлөгөө баталснаар харилцан хариуцлага, үүрэг, хүлээж буй хэрэг юм. Энэ онд бид урьд оны ажил, арга хэмжээг үргэлжлүүлэх, процессын дахин инженерчлэлийг дуусган байгууллагын бүтэц зохион байгуулалт, алба хаагчдын ажлын бүтээмж, хүний эрхийг хангах, иргэдэд үзүүлэх үйлчилгээний сэтгэл ханамж, чанар хүртээмжийг дээшлүүлсэн үр дүнд хүрэх зорилт тавин ажиллана...” хэмээгээд цаашдын ажилд нь амжилт хүсэж, дээрх зорилтыг хангахын төлөө хичээл, зүтгэл гарган ажиллахыг уриаллаа.