“Сэрэлт” киноны Бумаагийн дүрээр нь та бидний сайн мэдэх  МУГЖ Т.Цэвээнжавын хөшөө түүний төрсөн нутаг болох Дорнод аймгийн Матад суманд сүндэрлэжээ. Матад сумын 90 жилийн ой энэ жил тохиож байгаа бөгөөд ойн хүрээнд нутгаасаа төрөн гарсан алдартны хөшөөг босгох ажил эхлүүлсэн нь ийнхүү биелэлээ олсон бөгөөд энэ ажилд түүний ажил амьдралын гараагаа эхлүүлсэн УДЭТ ч хамтарсан билээ. 

Т.Цэвээнжав нь 58 наслахдаа 50 гаруй жүжиг, олон арван уран сайхны кинонд дүр бүтээсэн бөгөөд “Сэрэлт”, “Хүргэн хүү”, “Энэ хүүхнүүд үү” кинонд бүтээсэн дүрүүд нь одоо ч ард олны сэтгэлд хоногшин үлджээ.