Архангай аймгийн иргэн н.Бат-Эрдэнийн гэргий төрөөд долоо хонож байхдаа 2023 оны есдүгээр сарын 8-нд нас барж, дөрвөн хүүхэдтэй өнчирч үлдсэн тухай мэдээлэл цацагдсан. Тэрбээр 5 сартайгаас 13 насны дөрвөн хүүхэдтэйгээ айлын хашаа түрээслэн, ажил хийх боломжгүй хүүхдээ харж амьдарч буй.

Тэгвэл монголчуудын сайхан сэтгэлийн тусаар хандивын дансанд 166 сая төгрөг цугларчээ. Б.Бат-Эрдэнийг дөрвөн хүүхэдтэй нь хамт өнөөдөр байранд нь оруулахаар болжээ.